بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینییەکانی بۆ ٤٨ کاتژمێری داهاتوو بڵاو کردەوە و ئاماژە بە جێگیربوونی کەشوهەوا و بەرزبوونەوەی پلەکانی گەرما دەکات.

بەگوێرەی ڕاگەیەندراوی بەڕێوەبەرایەتییەکە، ئەمڕۆ یەکشەممە ٢٥ی کانوونی دووەم، ئاسمان بە گشتی ساماڵ دەبێت لەگەڵ بوونی هەندێک پەڵەهەور. پلەکانی گەرما بە بەراورد بە تۆمارکراوەکانی دوێنێ ١ بۆ ٣ پلەی سیلیزی بەرز دەبنەوە. خێرایی با لەسەرخۆ بۆ مامناوەند دەبێت (١٠-١٥ کم/کاتژمێر) و ئاڕاستەکەشی بەرەو باکووری ڕۆژهەڵات دەبێت.

سەبارەت بە کەشوهەوای سبەی دووشەممە، پێشبینی دەکرێت ئاسمان هەر بە ساماڵ و پەڵەهەور بمێنێتەوە، بەڵام پلەکانی گەرما کەمێک زیاتر بەرز دەبنەوە بەراورد بە ئەمڕۆ و ئاڕاستەی با بەرەو باشووری ڕۆژئاوا دەگۆڕێت.

بەرزترین پلەکانی گەرمای پێشبینیکراو بۆ سبەی (دووشەممە):

لەلایەکی دیکەوە، شارەزایانی کەشناسی پێشبینی دەکەن لە مانگی داهاتوودا گۆڕانکاری بەسەر کەشوهەوادا بێت. پشتیوان پێنجوێنی، شارەزای کەشناسی ڕایگەیاندووە: «لە مەودای ١٠ بۆ ٢٠ی مانگی دوو، شەپۆلی سەرمای بەهێز ڕوو دەکاتە ناوچەکانمان و لە زۆربەی ناوچە شاخاوییەکان بەفر دەبارێت، ئەگەرێکی بەهێزیشە دووبارە لەناو سەنتەری شاری سلێمانی بەفر ببارێت». هەروەها ئاماژەی بەوە کردووە کە ئاستی دابارین لە مانگی شوباتدا لە سەرووی ئاستی ئاساییەوە دەبێت.