سەرۆک مەسعود بارزانی، بەبۆنەی هاتنی سەری ساڵی نوێی زایینی ٢٠٢٦، پەیامێکی پیرۆزبایی ئاراستەی هاووڵاتییانی هەرێمی کوردستان، عێراق و جیهان کرد.
لە پەیامەکەیدا کە ئەمڕۆ چوارشەممە ٣١ی کانوونی یەکەمی ٢٠٢٥ لە تۆڕی کۆمەڵایەتی ئێکس (X) بڵاویکردووەتەوە، سەرۆک بارزانی دەڵێت: «بەبۆنەی سەری ساڵی تازە پیرۆزباییەكی گەرم لە خانەوادەی سەربەرزی شەهیدان و پێشمەرگە قارەمانەكان و پێكهاتە ئایینی و نەتەوەییەكان و سەرجەم خەڵكی خۆشەویستی كوردستان دەكەم».
سەرۆک بارزانی لە بەشێکی دیکەی پەیامەکەیدا هیوای خواستووە ساڵی نوێ، ساڵی کۆتاییهاتنی ناخۆشییەکان بێت و نووسیویەتی: «هیوادارم ساڵی تازە، ساڵی خێر و خۆشی و بەختەوەری بۆ کوردستان و عێراق و هەموو جیهان بێت».
ئەم پەیامەی سەرۆک بارزانی هاوکاتە لەگەڵ ئامادەکارییەکان بۆ پێشوازیکردن لە ساڵی نوێ لە سەرانسەری هەرێمی کوردستان، کە تێیدا هاووڵاتییان بە ئومێدەوە دەڕواننە داهاتوو و هیواخوازن ساڵێکی پڕ لە سەقامگیری و ئارامی بێت.